Meri Nanhhi Kavita.....

Kissi jheel ke teere,

gumsum si bahati neere,

Woh baithi thi

Meri Nanhi Kavita....

Woh Jag bhar se anjaan thi,

Apni gumnami se pareshan thi,

Ho udas isliye baithi,

Meri Nanhi Kavita....

Jab Panno par padi thi woh,

Sau sapne liye khadi thi woh,

Un sapno ke swikar hone ki taak me,

Meri Nanhi Kavita....

Usne apne liye chahi thi prasidhi,

Apne rachayta ke liye samridhi,

Apni prashansha ki umeed mein,

Meri Nanhi Kavita....

Par ab thaame aasha ke haath usne,

Woh Andekhi, Ansunee, Ankahee,

Nikli kisi kadardaan ki talaash mein,

Meri Nanhi Kavita....